"МОНГОЛ ХҮҮХДИЙН ХАР ТУГАЛГАНД ӨРТӨЛТ ТҮҮНИЙ ЭХ ҮҮСВЭРИЙГ ТОДОРХОЙЛОХ НЬ" ЗОРИЛТОТ СУДАЛГААНЫ БАГ ДОРНОГОВЬ АЙМАГТ АЖИЛЛАЖ БАЙНА.
НҮБ-ын Хүүхдийн сангийн дэмжлэгээр Нийгмийн эрүүл мэндийн төв болон АШУҮИС-ийн багш, судлаачдын хамтарсан баг “Монгол хүүхдийн цусан дахь хар тугалганд өртөлт болон эх үүсвэрийг тодорхойлох” судалгааны хүрээнд "Мишээлт-Мана" өрхийн эрүүл мэндийн төв дээр ажиллан Сайншанд сумын 1-8-р багийн 4-14 насны 40 хүүхдийг түүвэрлэн сонгож шинжилгээ, судалгаанд хамрууллаа.
Тус судалгаагаар цусан дахь хар тугалганы түвшин, гадаад, дотоод орчны өртөлтийн гол эх үүсвэрийг тодорхойлох бөгөөд хар тугалганаас шалтгаалсан цус багадалт, ой тогтоолтын хамаарлыг судлах юм. Судалгаанд Хатанбулаг сумын 4-14 насны 61 хүүхдийг хамруулахаар төлөвлөсөн байна. Хамтран ажилласан судалгааны баг болон өрхийн эрүүл мэндийн төвүүд, хүүхдүүд, эцэг эхчүүддээ баярлалаа.
10-р сарын 6, 2025 - 09:11
