“Эрүүл ирээдүй – Бидний мөрөөдөл” уриатай “Flash mob” тэмцээнийг аймгийн хэмжээнд зохион байгуулагдлаа.
Ерөнхий боловсролын сургуулийн сурагчдын хөдөлгөөний идэвхийг нэмэгдүүлэх, хөдөлгөөнөөр дамжуулан тэдний эрүүл мэндийг тэтгэх, биеийн дархлааг дэмжиж хөдөлгөөний хомсдолоос үүсэх өвчлөлөөс урьдчилан сэргийлэх зорилгоор ЭМГ, БШУГ, БТСГ хамтран “Эрүүл ирээдүй – Бидний мөрөөдөл” уриатай “Flash mob” тэмцээнийг аймгийн хэмжээнд ерөнхий боловсролын сургуулийн Ахлах, Дунд бүлгийн сурагчдын дунд зохион байгууллаа. Тус тэмцээнд 5 сумын 8 сургуулийн 13 багийн 195 сурагчид оролцсоноос Дунд бүлгийн Тэргүүн байр Сайншанд 2-р сургуулийн “GU-9”, Дэд байр Сайншанд Хөвсгөл сумын “Хутагтын дэг”, Гутгаар байр Өргөн сумын “Талын уянга” баг, Тусгай байр Эрдэнэ сумын “Red mount” багууд шалгарсан бол Ахлах бүлгийн Тэргүүн байр Сайншанд 5-р сургуулийн “Шинэ эхлэл”, Дэд байр Сайншанд 2-р сургуулийн “GU-8”, Гутгаар байр Сайншанд 1-р сургуулийн “Уран дэг-2”, Тусгай байр Сайншанд 2-р сургуулийн “Ардын Б” багууд тус тус шалгарч цом, медаль, өргөмжлөл, мөнгөн шагналын эзэд боллоо. Тэмцээнд идэвхтэй оролцсон нийт багш, сурагчдадаа баярлалаа.
Тэмцээнийг “НАМАЙН ХАМГААЛ” нөлөөллийн аяны хүрээнд зохион байгуулж байгаагаараа онцлогтой болсон ба тэмцээнд оролцогч хүүхдүүдээс сурагчдын сэтгэгдлийг сонсож, зөвлөмж тараан, Өрхийн эрүүл мэндийн төвүүд халуун аарц, чацарганаар үнэгүй үйлчиллээ.
